Ímonos de 2ª Ruta Rodeiro de Tapas este fin de semana longo para gozar. Esperámoste nunha segunda cita este sábado e domingo nos establecementos participantes coa intención de saborear os mellores manxares da nosa terra.
Nunha segunda Ruta de Rodeiro de Tapas só esperamos volver conseguir os obxectivos marcados para poder consolidar este concurso e facer del unha ferramenta de promoción turística xunto con outras xornadas.
Seguindo as bases da iniciativa" Rodeiro de tapas", a mellor tapa terá premio. Para iso contamos coa presenza de diferentes profesionais do sector e colaboradores no evento como membros do xurado para a valoración na elaboración, calidade e presentación das tapas. A recepción terá lugar este sábado día 19 ás 12:00h na Casa do Concello, para comezar o percorrido polos establecementos participantes.
A elección da mellor tapa será unha media ponderada entre a valoración do público utilizando os cupóns de votación depositados nas furnas en cada establecemento , e a feita polos membros do xurado designado para a ocasión. A porcentaxe de puntuación será 60-40, respectivamente.
Os premios aos establecementos serán entregados na próxima convocatoria do mes de xuño, coincidente coas festas patronais de San Antonio de Rodeiro.
Recordamos que é moi importante o voto do público no percorrido de tapeo. Entre todos os cupóns de votación do público sortearanse lotes de productos subministrados polos colaboradores da iniciativa.
A Biblioteca Pública Municipal “Manuel Lamazares” de Rodeiro está a desarrollar accións de dinamización lectora ao longo do ano, dirixidas especialmente ao lector infantil e xuvenil, de modo que fomentemos o hábito da lectura entre os xóvenes. Intentamos os seguintes obxectivos:
- Educar na lectura e descubrila como necesaria para mellorar as destrezas lingüísticas
- Fomentar o hábito da lectura entre os nenos
- Achegar aos lectores á biblioteca como lugar adecuado para a lectura e o estudio diario e como lugar público de acceso á internet.
Para acadar estes obxectivos, ademáis de programar actividades de animación lectora ao longo do ano, tamén non nos esquencemos das novas tecnoloxías. Neste eido acabamos de colocar na biblioteca tres novos ordenadores con acceso á internet para uso público, rematando así cos problemas de acceso que había ata o de agora.
Queremos contribuír á superación da brecha dixital ocasionada polas dificultades que ten a poboación do rural para o acceso ás novas tecnoloxías, debido sobre todo ás deficiencias nas infraestructuras de comunicación. Contamos con tres ordenadores e unha impresora neste servizo.
O vindeiro domingo día 20 de maio terá lugar unha nova ruta dentro do programa Sendeirismo 2012, a ruta dos Castros, que discorre pola metade norte do Concello cunha distancia de 18 quilómetros.
As características principais da actividade son as seguintes :
Día : 20 de maio de 2012
Lugar de concentración : Diante da Casa do Concello
Hora : 9
Inscrición
Prazo : Ata o día 18 de maio de 2012
Cota : 5 €
Pago : Conta do Concello de Rodeiro e Novagaliciabanco núm. 2080-5438-99-3110100047, especificando o nome e apelidos do inscrito e o concepto “sendeirismo”.
A inscrición dá dereito a avituallamento durante o percorrido, guía da organización, folleto informativo da ruta e desprazamentos i/v dende o lugar de concentración, de seren necesario a criterio da organización.
Ao remate da ruta sortearase un agasallo entre os participantes.
O xoves 3 de maio, ás 11:20 h, terá lugar unha conferencia no Centro Cultural Municipal de Rodeiro co nome “Aventura e desventura” dentro do programa Letras Vivas 2012.
Máis información sobre Mª Pilar Jiménez Aleixandre na web: www.marilar.org
A confederación Galega de Persoas con Discapacidade (COGAMI), desenvolve o Programa de vacacións para persoas con discapacidade 2012, subvencionado pola Consellería de Traballo e Benestar Social.
Os requisitos das persoas destinatarias:
- Ter unha idade comprendida entre os 25 e os 60 anos.
- Ser galego/a ou residente en Galicia.
- Posuír unha discapacidade acreditada.
Lugar e datas:
- Residencia de Colonias e Convivencias “Aixiña”. Rúa Vigo, 5-1 Sanxenxo (Pontevedra)
- 1ª Quenda: Do 2 ao 8 de setembro de 2012
- 2ª Quenda: Do 9 ao 15 de setembro de 2012
Prezo:
- Cada participante aboará 80€, que inclúe aloxamento e manutención.
Documentación:
- Solicitude e autorización datos persoais.
- Ficha da persoa participante.
- Certificado grao discapacidade.
- Xustificante ingresos persoa participante.
Prazo presentación solicitude:
- Ata o día 29 de xuño de 2012
Para maior información e trámite de solicitudes, poderán achegarse ao departamento de servizos sociais do Concello de Rodeiro.
Poderán acollerse ao programa aquelas persoas que sexan pensionistas e conten coa idade mínima de 60 anos, (quedan exentos de cumprir esta condición, as persoas que acudan en calidade de cónxuxes). Valerse por si mesmos para as actividades da vida diaria. Ter uns ingresos persoais mensuais inferiores a 763.61 €. Precisar os tratamentos balneoterápicas solicitados.Residir na Comunidade Autónoma de Galicia.
Este ano unicamente se ofrece a posibilidade de tratamento termal, de 9 días de duración, con todo incluído; tratamento termal e estancia no balneario, en réxime de pensión completa nos distintos establecementos ofertados.
Para maior información e trámite de solicitudes, poderán achegarse ao departamento de servizos sociais do Concello de Rodeiro
A data límite de presentación de solicitudes será o día 10 de maio de 2012
A Concellería de Cultura, co propósito de conmemorar o Día das Letras Galegas, que se celebrará o vindeiro día 17 de maio, convoca o III Certame literario e artístico de conformidade coas bases que se poden atopar na descarga asociada.
O Concello de Rodeiro organiza un encontro co escritor Darío Xohán Cabana co gallo de celebrar o Día Internacional do Libro. Terá lugar o vindeiro día 23 de abril ás 11:20 horas no Centro Cultural Municipal. Haberá unha conferencia e a continuación un recital de poesía. Esta actividade desenvólvese dentro do Programa Letras Vivas 2012.
Dende Abril ata Xuño, a Concellaría de educación, comercio, turismo e patrimonio coa colaboración do Grupo Codorniu Rodeiro acolle a 1ª edición do concurso de tapas de caza e pan de Rodeiro. Unha iniciativa a destacar da 1ª xornada de promoción da gastronomía local no Concello de Rodeiro e dar a coñecer a gastronomía do pobo de Rodeiro e gozar das pequenas delicias que son as Tapas de Caza a un prezo moi accesible.
Concursan sete establecementos de hostalería do termo municipal de Rodeiro, no cal cada un, elabora unha tapa de xeito tradicional e creativo baseando a súa elaboración nos produtos de recoñecida calidade e tradición na zona como son, o Pan de Rodeiro e a Caza, dando unha relevancia especial aos mesmos.
Os establecementos servirán no seu horario comercial as tapas protagonistas nas vindeiras datas do 21 e 22 de abril; 19 e 20 de maio e 9 e 10 de xuño, coincidentes coas datas das rutas de sendeirismo establecidas no Concello. Un aliciente máis para achegarse ao pobo de Rodeiro na fin de semana. O público viandante poderá participar non só coa degustación da tapa, senón coa valoración da mesma nos cupóns de votación entregados polos establecementos. Estos cupóns poderaos facer gañadores de lotes de produtos vínicolas subministrados polos colaboradores da iniciativa.
O público participante terá a súa disposición dípticos co nome da tapa e viño aconsellado para a súa degustación, plano da ruta de tapeo e o cupón de votación, para que introduza os seus votos nunha furna precintada. Atopará enlaces e dispositivos QR en internet para a xeolocalización dos locais e información do evento.
Recentemente realizouse un cambio no sistema de recollida de aceite domiciliario. Os contedores existentes foron sustituídos por outros, donde os ususarios deben depositar o aceite en botellas de plástico debidamente cerradas (tamaño máximo recomendado 2 litros).
Este sistema é máis limpo e máis práctico para os usuarios.
Os contedores están ubicados nas seguintes direccións:
- A Gaiola.
- Rúa da Piscina
- O Rodo
- Rúa B
Recordamos que 1 litro de aceite chega a contaminar 1.000 litros de auga.
A entidade mercantil Renovables San Martiño S.L., con domicilio social en Dozón, solicitou a autorización administrativa, a declaración de utilidade pública e a aprobación do proxecto de execución para a instalación do parque eólico “Tenzas do Aire”. Dito parque eólico estará constituído por catro aeroxeradores cunha potencia total a instalar de 12 MW e sitúase entre as parroquias de Guillar e Pedroso. En cumprimento da normativa legal, sométese a información pública a seguinte documentación durante o prazo que se indica :
− Proxecto sectorial : trinta días.
− Estudo de impacto ambiental : trinta días.
− Relación concreta e individualizada de tódolos interesados, bens e dereitos afectados, así como planos parcelarios : quince días.
Durante ditos prazos os interesados poderán consultar a documentación na Casa do Concello, en horario de oficina, e presentar, de ser o caso, as alegacións que estimen pertinentes no rexistro municipal.
O Venres 20 de abril, ás 11:20 h, terá lugar unha conferencia no Centro Cultural Municipal de Rodeiro co nome “De literatura? O que queirades !!!” dentro do programa Letras Vivas 2012.
Máis información sobre Verónica Martínez Delgado na web: www.aelg.org
O Concello de Rodeiro, a través do seu Museo municipal, adheríuse a un programa de colaboración co Museo provincial da Deputación de Pontevedra, co fin de desenvolver exposicións e actividades culturais de diversa natureza.
Este proxecto de achegar o Museo de Pontevedra aos cidadáns da provincia contribuirá a mellorar a vida cultural do noso Concello, que conta con recursos limitados. É fundamental a unión dos esforzos neste eido.
Por iso, grazas a este programa poderemos disfrutar de actividades expositivas previamente realizadas no Museo provincial e doutras propostas ou iniciativas que poidan xurdir por parte da entidade municipal ou provincial. Esta colaboración contribuirá a dinamizar a vida cultural do noso concello e permitirá compartir recursos de maneira que, cuns custos limitados, academos un alto rendemento cultural.
Está a disposición de quen o desexe os parcelarios nos que se poden atopar de cor vermello aquelas parcelas de titularidade descoñecida. De non reclamarse estas fincas pasarán a ser xestionadas, ao final de todo o proceso, polo actual Banco de Terras de Galicia (Bantegal).
O día 10 de Abril, estará a disposición dos interesados, no local de Río e o día 11 en Santa Baia para resolver duplicidades e facilitar a localización de parcelas.
Planos das parcelas de titularidade descoñecida ( en cor vermello):
Parcelas descoñecidas - Camba
Parcelas descoñecidas - Santa Baia
Logo das obras de acondicionamento das instalacións, o ximnasio municipal de Rodeio procederá a súa reapertura ao público, o vindeiro Luns día 9 de Abril no horario habitual de 17:00 a 22:00 horas.
Establécese unha xornada de portas abertas durante todo o mes de Abril, para que calquera persoa interesada poida coñecer e utilizar ditas instalacións sen ter que aboar taxa algunha. A partires do mes de maio procederase ao cobro da taxa legalmente estrablecida.
Neste ano 2012 podemos asegurar que practicamente toda a poboación do Concello de Rodeiro ten un acceso garantido de a lo menos 2 Mbps.
Diferentes actuacións, entre elas o proxeto Repoblar da Deputación de Pontevedra e o recente Plan de Banda Larga da Xunta, fai posible que os cidadáns podan conectarse a través de diferentes tecnoloxías dependendo da zona na que se atopen. Wimax, 3G ou ADSL, son as diferentes opcións que temos para ter acceso á Rede.
Na descarga asociada atoparedes un informe realizado pola Xunta da situación actual de Rodeiro.
Máis información no mail info@rodeiro.org ou no teléfono 986790185
Un ano máis ten lugar o Rallye do Cocido. Esta XVIII edición percorrerá unha vez máis por terras de Rodeiro. Toda a información relacionada co percorrido así coma o programa e listado de inscritos poderedes consultalos na web do evento: www.rallidococido.org
O Sr. alcalde asinou a convocatoria da sesión extraordinaria urxente do Pleno do Concello que se celebrará o vindeiro mércores día 14 de marzo de 2012, ás 10 horas da mañá, no salón de sesións da Casa do Concello, de conformidade coa seguinte Orde do Día :
1º | Pronunciamento do Pleno sobre a urxencia. |
A Secretaría Xeral de Igualdade, sendo coñecedora da cantidade de casos de malos tratos , existindo ademais dependencia económica con respecto ao agresor e dificultando que estas mulleres poidan dar o primeiro paso para romper coa situación de violencia, crea unha liña de axudas económicas en diferentes contías, que lles facilitará abandonar ao seu agresor, para así dar o paso a unha vida autónoma e plena coma se merecen elas e os seus fillos.
Estas contías variarán segundo os ingresos da muller que sufra violencia doméstica, establecéndose contías distintas, de entre 800€ como máximo e 300€ como mínimo, incrementándose as mesmas en 50€ mensuais por cada fillo/a menor a cargo do solicitante.
O prazo de presentación de solicitudes permanecerá aberto ata o vindeiro día 31 de Novembro de 2012, sendo o lugar de recollida da documentación, información e asesoramento de dito trámite nos Servizos Sociais de Atención Comunitaria do Concello de Rodeiro
O pasado sábado día 28 de xaneiro deu comezo o curso de monitor de tempo libre na Casa-Escola de A Latiza que organiza e Concello de Rodeiro coa Escola de Tempo Libre FESAN.
O curso desenvolverase en horario de mañá e tarde os sábados, con unha duración total de 200 horas teórico-prácticas e 150 horas prácticas, obténdose o título homologado pola Xunta de Galicia.
A pesares de que xa comezou, se hai algunha persoa interesada, AÍNDA ESTÁ A TEMPO DE MATRICULARSE DADO QUE QUEDAN VARIAS PRAZAS VACANTES.
Para máis información: 986790185, educadora@rodeiro.org (Ana) ou 981522426, etlfesan@fesan.org (Eva).
O Concello de Rodeiro, co ánimo de promover o turismo e os hábitos saudables entre veciños e visitantes, vén de programar un calendario de rutas de sendeirismo que posibilitará, amais da práctica do deporte, o coñecemento e posta en valor das riquezas naturais e paisaxísticas e do rico patrimonio arquitectónico, arqueolóxico e etnográfico que atesoura Rodeiro. As rutas desenvolveranse entre os meses de marzo a novembro, agás xullo e agosto, a razón dunha por mes segundo a seguinte planificación :
Sendeirismo Ruta PRG-7 - Domingo 18/03/2012 09:00 h
Sendeirismo Ruta de Oseira - Domingo 22/04/2012 09:00 h
Sendeirismo Ruta dos Castros - Domingo 20/05/2012 09:00 h
Sendeirismo Ruta dos Muíños - Domingo 10/06/2012 09:00 h
Sendeirismo Ruta do Arnego - Domingo 23/09/2012 09:00 h
Sendeirismo Camiño de Inverno - Domingo 21/10/2012 09:00 h
Sendeirismo Ruta do Norte - Domingo 11/11/2012 09:00 h
Oportunamente, coa antelación suficiente ao desenvolvemento de cada unha das rutas, informarase a través da presente web das características, distancia, perfil, lugar e prazo de inscrición, e demais información relevante para os interesados en participar na actividade.
O Plan de sectorización do solo urbanizable non delimitado de carácter industrial (S.UR.ND.I-1), promovido por CONEJOS GALLEGOS COGAL, S. COOP. GALEGA, na parroquia de Álceme e que foi aprobado pola Xunta de Goberno Local deste Concello, na sesión ordinaria celebrada o día 11 de xaneiro de 2012, atópase en período de información pública dende o día da data e por espazo dun mes dende a publicación do correspondente anuncio no Diario Oficial de Galicia.
Aos citados efectos, a documentación completa poderá ser consultada nas oficinas do Concello (Departamento de Urbanismo), en horario de atención ao público.
Dende o pasado mes de outubro do 2011 o Instituto Nacional de Estatística (INE) está a realizar o censo de poboación e vivendas 2011. A información que lle proporcionen é confidencial e está protexida polo segredo estatístico. Dita información empregarase para coñecer as características da poboación e poder planificar e organizar os servizos públicos e privados. non se emprega para fins catastrais nin para o cobro de impostos.
A participación nesta estatística é obrigatoria. pode que pase pola súa casa un axente censal debidamente acreditado para recabar os datos precisos. Por favor préstenlle a colaboración que precise para a realización do seu traballo .
No Boletín Oficial da Provincia (BOP) núm. 23, correspondente ao día 4 de novembro de 2011, figura inserto un anuncio da Xefatura Territorial da Consellería de Traballo e Benestar no que se dá publicidade ao calendario laboral do ano 2012. As festas de carácter local para o ano 2012 no Concello de Rodeiro, segundo o acordado polo Pleno municipal na sesión celebrada o día 29 de agosto do corrente, serán as seguintes :
- 21 de febreiro (Martes de Entroido)
- 18 de xuño (Santo Antonio)
